नवीनतम लेख
नंद रानी तेरो लाला जबर भयो रे(Nand Rani Tero Lala Zabar Bhayo Re)
नंद रानी तेरो लाला जबर भयो रे/री
महारानी तेरो लाला जबर भयो रे/री
मेरी मटकी उलट के पलट गयो रे/री ।
मुस्कान याकी लगे प्यारी प्यारी
पागल भयी यहाँ के सगरी ब्रजनारी
याकी बंशी पे जियरा अटक गयो रे ॥
॥ नंद रानी तेरो लाला जबर भयो रे..॥
पनघट पे आके करे जोर जोरी
चुपके से आके करे चित चोरी
मैया हल्ला मचो तो सटक गयो री ॥
॥ नंद रानी तेरो लाला जबर भयो रे..॥
घर घर में आकर के माखन चुरावे
खावे सो खावे जमी पे गिरावे
याको रोकबो हमारो खटक गयो री ॥
॥ नंद रानी तेरो लाला जबर भयो रे..॥
मैं तो दुखारी गरीब की मारी
जोर नहीं चलो तो दीन्ही रे गारी
मैया पैया कन्हिया चटक गयो री ॥
नंद रानी तेरो लाला जबर भयो रे/री
मेरी मटकी उलट के पलट गयो रे/री ।
